निसर्ग आणि मी.

याच देशातील एक माणूस पाण्यावरून युद्ध भडकू नयेत म्हणून जगभर विश्व जलशांती यात्रा करत भटकतोय. .
आणि याच देशातील अनेक जण धर्म जात पात पक्ष संघटनांची उणीदुणी काढत एकमेकांची पूंगी वाजवत आहेत..
मी थोडं उदासवाणं स्मित करतो,
पृथ्वीवर सहाव्या मोठ्या विनाशाची नांदी चालू झालीय..
आणि बहुतांश लोकं आपापल्या भक्तीचे नवनवे उच्चांक स्थापन करायच्या प्रयत्नात आहेत.
कोणाला बोगस चित्रपटांतून विज्ञानाला कमी लेखायचंय, तर कोणाला आपल्या नेत्यालाच देवळात बसवायचं आहे.
कोणाला देशात असहीष्णूतेचं वातावरण आहे, हे जबरदस्तीनं सिद्ध करायचंय, तर कोणाला एका तरूणाच्या मृतदेहावरून सत्तेच्या पायऱ्या चढायच्या आहेत.

मला हसू येतं..
कोणीही लूंगा सूंगा उठून 'मजहब खतरेमें, संस्कृतीला धोका' म्हणून आवई उठवतो आणि पाच पन्नास हौशे गवसे लागलीच कोल्हेकूई करायला रस्त्यावर नी फेसबूकवर जमतात.
अरे यडझव्यांनो, मेंदू भंगारात विकला का रे?
निसर्ग ओरडून सांगतोय 'येत्या काहीच काळात मी तुमची मजबूत ठासणार आहे' ... तो आवाज कानात शिरत कसा नाही?

मी आणि निसर्ग मिळून खळखळून हसतो..
उल्हासनगरात काढलेल्या पाणी टंचाईविरूद्धच्या मोर्च्यावर.. कुणा बाईने रागाच्या भरात थेट एका पोलीसाच्याच कानाखाली आवाज काढला म्हणे. बिचारी कॉन्स्टेबल!
इतके वर्ष शहरभर कॉन्क्रीट ओतून मातीला तहानलेलं ठेवलंत तेव्हा तहानेची जाणिव नव्हती?
याच तडफेने बंधारे बांधायला मातीत उतराल का, कॉन्क्रीट तोडून माती मोकळी कराल का?
मला आणि निसर्गाला तुमचं उत्तर माहीत असतं. आम्ही फक्त डोळे मिचकवतो.

मी आणि निसर्ग बघत असतो,
आरक्षण बिरक्षण पगारवाढीसाठीचे मोर्चे, नेत्यांच्या मिरवणूका आणि सभा, मंदीरांचे कलशारोहण समारोह आणि पाच वेळचा नमाज आणि पाद्री लोकांच्या प्रार्थना सभा.. लोकांची ही गच्च गर्दी असते.
मला निसर्ग विचारतो "काय रे, एवढे लोक तुम्ही श्रमदान शिबीराला जमवाल का? किंवा इतका खर्च लोकोपयोगी कामांवर कराल का?"
मी गप्प बसतो. तितक्यात कोणी नेता त्या तिकडं ओरडतो "मी अमूकढमूक कोटींचं राक्षसी धरण मंजूर करून आणलंय. तुम्हाला पाणी मिळणारच." टाळ्यांच्या कडकडाटाहून अधिक मोठ्याने आम्ही गगनभेदी हसतो. निसर्ग हळूच खवचट टोमणा मारतो," हे पाणी देणार तुम्हाला. मी इथे च्यूत्या बसलोय."

मग तो मला टपली मारतो.
"तुमचा भाईजी खरंच ग्रेट माणूस आहे. वाळवंटात नंदनवन फुलवलं. तुम्हाला जमेल का कोकणात?"
मी उत्तर देतो, " प्रयत्नात कसूर राहू देणार नाही. तू साथ दे थोडी."
तो मुत्सद्दी उत्तर देतो," बघू. आधी काम तर करा."